Kryetari i Aleancës për Ardhmërinë e Kosovës (AAK), Ramush Haradinaj, përmes një postimi në Facrbook ka uruar të gjithë besimtarët me rastin e Kurban Bajramit.

Haradinaj ka thënë se te shqiptarët gjithmonë ka mbizotëruar ndjenja e solidaritetit.

Ai ka shtuar se në prag të festës dëshiron të përcjell urimet më të përzemërta Bashkësisë Islame.

“Te shqiptarët gjithmonë ka mbizotëruar ndjenja e solidaritetit dhe harmonisë me njëri-tjetrin, si dhe gjithmonë kemi festuar bashkë festat fetare. Në prag të festës së Kurban Bajramit, u përcjell urimet më të përzemërta Bashkësisë Islame të Kosovës, myftiut Naim Tërnava si dhe të gjithë shqiptarëve myslimanë kudo që jetojnë! Uroj që gëzimi dhe begatia të mbizotërojnë në familjen e gjithsecilit!”, ka thënë Haradinaj./Arbresh.info/